itni raghbat se na mil ishq ke bimaron se

itnī raġhbat se na mil 'ishq ke bīmāroñ se

aag tujh meñ bhī bhaḌak saktī hai angāroñ se

kis ko mujh dasht se āsā.ish-e-jāñ pahuñchegī

kaun ḳhush hotā hai duniyā meñ gunahgāroñ se

dastaras meñ to bahut kuchh thā magar tere baa'd

ham ne ḳhushbū bhī ḳharīdī nahīñ bāzāroñ se

tū ne dekhā bhī nahīñ aa ke dubāra mujh ko

aise kartā hai bhalā koī vafādāroñ se

ye to ham haiñ tirī āñkhoñ pe mare baiThe haiñ

varna ab koī nahīñ kheltā talvāroñ se

hoñT se kaan kī lau tak tumheñ chūmeñge kabhī

ham tumheñ fat.h kareñge tire hathiyāroñ se

itni raghbat se na mil 'ishq ke bimaron se

aag tujh mein bhi bhaDak sakti hai angaron se

kis ko mujh dasht se aasaish-e-jaan pahunchegi

kaun KHush hota hai duniya mein gunahgaron se

dastaras mein to bahut kuchh tha magar tere ba'd

hum ne KHushbu bhi KHaridi nahin bazaron se

tu ne dekha bhi nahin aa ke dubara mujh ko

aise karta hai bhala koi wafadaron se

ye to hum hain teri aankhon pe mare baiThe hain

warna ab koi nahin khelta talwaron se

honT se kan ki lau tak tumhein chumenge kabhi

hum tumhein fath karenge tere hathiyaron se