itni si aankh ne gham kitna uTha liya hai

itnī sī aañkh ne ġham kitnā uThā liyā hai

kashtī ne apne andar dariyā uThā liyā hai

us nī-vasl se ye tark-e-ta.alluq achchhā

chāñdī ko rakh ke maiñ ne sonā uThā liyā hai

ik to pagār jaise bachchoñ kī jeb-ḳharchī

uupar se dostoñ kā ḳharcha uThā liyā hai

ḳhushbū ke āshiqoñ ko taz.īn-e-bāġh se kyā

jo phuul bhī zarā sā mahkā uThā liyā hai

chubh jaa.e soī bhī to bhāgeñ mujhe dikhāne

jaise ki maiñ ne sab kā Thekā uThā liyā hai

naanī ne tark kar dī kyuuñ rasm-e-qissa-goī

kyā chāñd se kisī ne charḳha uThā liyā hai

itni si aankh ne gham kitna uTha liya hai

kashti ne apne andar dariya uTha liya hai

us ni-wasl se ye tark-e-talluq achchha

chandi ko rakh ke main ne sona uTha liya hai

ek to pagar jaise bachchon ki jeb-KHarchi

upar se doston ka KHarcha uTha liya hai

KHushbu ke aashiqon ko tazin-e-bagh se kya

jo phul bhi zara sa mahka uTha liya hai

chubh jae soi bhi to bhagen mujhe dikhane

jaise ki main ne sab ka Theka uTha liya hai

nani ne tark kar di kyun rasm-e-qissa-goi

kya chand se kisi ne charKHa uTha liya hai