itni si is jahan ki haqiqat hai aur bas

itnī sī is jahāñ kī haqīqat hai aur bas

guftār zer-e-lab hai samā.at hai aur bas

kyuuñ āshnā-e-chashm ho dīdār-e-husn kā

ye girya-āzmā.ī to aadat hai aur bas

itne se jurm par to na mujh ko tabāh rakh

thoḌī sī mujh meñ terī shabāhat hai aur bas

us ko jazā sazā ke marāhil meñ de diyā

jis paas ek umr kī mohlat hai aur bas

aayā jo daur-e-dasht achānak hī sāmne

aisā lagā ki terī ijāzat hai aur bas

ham ne kahā ki ḳhatm hue sab muāmalāt

dil ne kahā ki kyā hai? qayāmat hai! aur bas

ā.īna-dār hoñ ki tirā parda-dār hoñ

pesh-e-nigāh terī mohabbat hai aur bas

itni si is jahan ki haqiqat hai aur bas

guftar zer-e-lab hai samaat hai aur bas

kyun aashna-e-chashm ho didar-e-husn ka

ye girya-azmai to aadat hai aur bas

itne se jurm par to na mujh ko tabah rakh

thoDi si mujh mein teri shabahat hai aur bas

us ko jaza saza ke marahil mein de diya

jis pas ek umr ki mohlat hai aur bas

aaya jo daur-e-dasht achanak hi samne

aisa laga ki teri ijazat hai aur bas

hum ne kaha ki KHatm hue sab muamalat

dil ne kaha ki kya hai? qayamat hai! aur bas

aaina-dar hon ki tera parda-dar hon

pesh-e-nigah teri mohabbat hai aur bas