itni wahshat hai dar-o-baam Daraate hain mujhe

itnī vahshat hai dar-o-bām Darāte haiñ mujhe

kitnī vīrān huuñ maiñ log batāte haiñ mujhe

ik taraf vo hai jo ḳhushiyoñ se gale miltā hai

ik taraf maiñ ki sab āzār satāte haiñ mujhe

jin charāġhoñ ko tirī shah pe chamaknā aayā

itne be-faiz ki ḳhud bujh ke jalāte haiñ mujhe

jāgtī aañkh to vo sāmne aa.e na kabhī

ḳhvāb meñ haath pakaḌ ke jo uThāte haiñ mujhe

hijr ke habs meñ be-jān mohabbat jazbe

ghar ke pankhe talak ehsās dilāte haiñ mujhe

'tājvar' us se kaho vo hai mohabbat pahlī

vo nahīñ miltā bahut log bulāte haiñ mujhe

itni wahshat hai dar-o-baam Daraate hain mujhe

kitni viran hun main log batate hain mujhe

ek taraf wo hai jo KHushiyon se gale milta hai

ek taraf main ki sab aazar satate hain mujhe

jin charaghon ko teri shah pe chamakna aaya

itne be-faiz ki KHud bujh ke jalate hain mujhe

jagti aankh to wo samne aae na kabhi

KHwab mein hath pakaD ke jo uThate hain mujhe

hijr ke habs mein be-jaan mohabbat jazbe

ghar ke pankhe talak ehsas dilate hain mujhe

'tajwar' us se kaho wo hai mohabbat pahli

wo nahin milta bahut log bulate hain mujhe