izhaar-e-gham ko shauq ne aasan bana liya

iz.hār-e-ġham ko shauq ne āsāñ banā liyā

zabt-e-suḳhan ko baat kā unvāñ banā liyā

ham ne bahār-e-rafta kī tasvīr ke liye

shāḳh-e-mizha ko shāḳh-e-gul-afshāñ banā liyā

dekhā zamāna-e-guzarāñ ko usī ne ḳhuub

āñkhoñ ko jis ne rauzan-e-zindāñ banā liyā

zholīdgī ki mere ḳhayāloñ kī jaan thī

tum ne usī ko zulf kā unvāñ banā liyā

jab ḳhud harīf rang-e-gulistāñ na ho sake

ḳhud ko harīf-e-rang-e-gulistāñ banā liyā

ārā.ish-e-harīm-e-vafā ke ḳhayāl se

har dāġh-e-dil ko sham-e-farozāñ banā liyā

'fitrat' harīm-e-shauq meñ aanā jo thā unheñ

ashkoñ ko ham ne sham-e-shabistāñ banā liyā

izhaar-e-gham ko shauq ne aasan bana liya

zabt-e-suKHan ko baat ka unwan bana liya

hum ne bahaar-e-rafta ki taswir ke liye

shaKH-e-mizha ko shaKH-e-gul-afshan bana liya

dekha zamana-e-guzaran ko usi ne KHub

aankhon ko jis ne rauzan-e-zindan bana liya

zholidgi ki mere KHayalon ki jaan thi

tum ne usi ko zulf ka unwan bana liya

jab KHud harif rang-e-gulistan na ho sake

KHud ko harif-e-rang-e-gulistan bana liya

aaraish-e-harim-e-wafa ke KHayal se

har dagh-e-dil ko sham-e-farozan bana liya

'fitrat' harim-e-shauq mein aana jo tha unhen

ashkon ko hum ne sham-e-shabistan bana liya