izhaar-e-haal sun ke hamara kabhi kabhi
izhaar-e-haal sun ke hamara kabhi kabhi
Nawab Moazzam Jah Shaji
MORE BYNawab Moazzam Jah Shaji
iz.hār-e-hāl sun ke hamārā kabhī kabhī
vo bhī hue haiñ anjuman-ārā kabhī kabhī
maiñ aur arz-e-shauq mirī kyā majāl hai
hotā hai us taraf se ishārā kabhī kabhī
rāh-e-talab meñ aur koī rahnumā nahīñ
detī haiñ laġhzisheñ hī sahārā kabhī kabhī
suntā huuñ mujh se chhuT ke nahīñ vo bhī mutma.in
nazroñ ko DhūñDhtā hai nazārā kabhī kabhī
aayā shab-e-firāq vo hañgām-e-be-kasī
ḳhud apnā naam le ke pukārā kabhī kabhī
sach hai ki rāhateñ hī nahīñ husn-e-zindagī
ġham ne bhī zindagī ko sañvārā kabhī kabhī
yuuñ tai hue 'shajī.a' mohabbat ke rāste
baḌh baḌh ke manziloñ ne pukārā kabhī kabhī
izhaar-e-haal sun ke hamara kabhi kabhi
wo bhi hue hain anjuman-ara kabhi kabhi
main aur arz-e-shauq meri kya majal hai
hota hai us taraf se ishaara kabhi kabhi
rah-e-talab mein aur koi rahnuma nahin
deti hain laghzishen hi sahaara kabhi kabhi
sunta hun mujh se chhuT ke nahin wo bhi mutmain
nazron ko DhunDhta hai nazara kabhi kabhi
aaya shab-e-firaq wo hangam-e-be-kasi
KHud apna nam le ke pukara kabhi kabhi
sach hai ki rahaten hi nahin husn-e-zindagi
gham ne bhi zindagi ko sanwara kabhi kabhi
yun tai hue 'shajia' mohabbat ke raste
baDh baDh ke manzilon ne pukara kabhi kabhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
