عزت وقار آن مری جان عشق ہے

عزت وقار آن مری جان عشق ہے

قربان جس پہ جان مری جان عشق ہے

طائف کا واقعہ ہو کہ کرب و بلا کی جنگ

ہر ایک داستان مری جان عشق ہے

نظم و غزل رباعی قصیدے کہ حمد نعت

ان بوستاں کی جان مری جان عشق ہے

پوچھا جو میں نے راز فلاح و نجات کا

کہنے لگی اذان مری جان عشق ہے

ہرگز کسی کے ظلم سے ڈرتا نہیں کبھی

فولاد کے سمان مری جان عشق ہے

پیچھے نہیں ہٹوں گا یہ سر چاہے ہو قلم

یا کاٹ دے زبان مری جان عشق ہے

چھپتا نہیں یہ لاکھ چھپائے کوئی مگر

خوشبوئے بوستان مری جان عشق ہے

آخر مرے خیالوں میں آ کر وہ کہہ گئے

ساحلؔ نہ خاک چھان مری جان عشق ہے