izzat waqar aan meri jaan ishq hai

'izzat vaqār aan mirī jaan 'ishq hai

qurbān jis pe jaan mirī jaan 'ishq hai

taa.ef kā vāqi'a ho ki karb-o-balā kī jang

har ek dāstān mirī jaan 'ishq hai

nazm-o-ġhazal rubā'ī qasīde ki hamd naa't

in bostāñ kī jaan mirī jaan 'ishq hai

pūchhā jo maiñ ne raaz falāh-o-najāt kā

kahne lagī azaan mirī jaan 'ishq hai

hargiz kisī ke zulm se Dartā nahīñ kabhī

faulād ke samān mirī jaan 'ishq hai

pīchhe nahīñ haTūñgā ye sar chāhe ho qalam

yā kaaT de zabān mirī jaan 'ishq hai

chhuptā nahīñ ye laakh chhupā.e koī magar

ḳhushbū-e-bostān mirī jaan 'ishq hai

āḳhir mire ḳhayāloñ meñ aa kar vo kah ga.e

'sāhil' na ḳhaak chhān mirī jaan 'ishq hai

'izzat waqar aan meri jaan 'ishq hai

qurban jis pe jaan meri jaan 'ishq hai

taef ka waqi'a ho ki karb-o-bala ki jang

har ek dastan meri jaan 'ishq hai

nazm-o-ghazal ruba'i qaside ki hamd na't

in bostan ki jaan meri jaan 'ishq hai

puchha jo main ne raaz falah-o-najat ka

kahne lagi azan meri jaan 'ishq hai

hargiz kisi ke zulm se Darta nahin kabhi

faulad ke saman meri jaan 'ishq hai

pichhe nahin haTunga ye sar chahe ho qalam

ya kaT de zaban meri jaan 'ishq hai

chhupta nahin ye lakh chhupae koi magar

KHushbu-e-bostan meri jaan 'ishq hai

aaKHir mere KHayalon mein aa kar wo kah gae

'sahil' na KHak chhan meri jaan 'ishq hai