ja-ba-ja hai naghma-KHwan

jā-ba-jā hai naġhma-ḳhvāñ

merā dil merī zabāñ

sunñe vaalā hī nahīñ

kyā karūñ qissa bayāñ

mujh se vābasta na kar

ishq kā sūd-o-ziyāñ

paañv ke nīche zamīñ

aur sar par āsmāñ

ḳhud to aage aa gayā

rakh gayā kuchh darmiyāñ

us ne pherī hai nazar

maiñ abhī tak huuñ yahāñ

apnī vus.at jāñch le

ḳhud miTā vahm-o-gumāñ

is ḳharābe kī bhalā

ham uḌā.eñ dhajjiyāñ

'īraj'-e-kotāh-nazar

kam paḌe donoñ jahāñ

ja-ba-ja hai naghma-KHwan

mera dil meri zaban

sunne wala hi nahin

kya karun qissa bayan

mujh se wabasta na kar

ishq ka sud-o-ziyan

panw ke niche zamin

aur sar par aasman

KHud to aage aa gaya

rakh gaya kuchh darmiyan

us ne pheri hai nazar

main abhi tak hun yahan

apni wusat jaanch le

KHud miTa wahm-o-guman

is KHarabe ki bhala

hum uDaen dhajjiyan

'iraj'-e-kotah-nazar

kam paDe donon jahan