ja baiThe nadi kinare raat aur main

jā baiThe nadī kināre raat aur maiñ

donoñ ik duuje ke sahāre raat aur maiñ

ik jaise hālāt ke maare haiñ saare

raste patte chāñd sitāre raat aur maiñ

jaag ka.ī din ba.ad tujhe milne aa.e

aaj purāne dost tumhāre raat aur maiñ

kuchh ghar der se aane vāloñ ke saa.e

aur ka.ī be-dar bechāre raat aur maiñ

chup kī tārīkī ke siine se lag kar

so jā.eñge manzar saare raat aur maiñ

ḳhaak uḌātī ḳhvābīda saḌkeñ 'rāhat'

galiyāñ be-raunaq chaubāre raat aur meñ

ja baiThe nadi kinare raat aur main

donon ek duje ke sahaare raat aur main

ek jaise haalat ke mare hain sare

raste patte chand sitare raat aur main

jag kai din baad tujhe milne aae

aaj purane dost tumhaare raat aur main

kuchh ghar der se aane walon ke sae

aur kai be-dar bechaare raat aur main

chup ki tariki ke sine se lag kar

so jaenge manzar sare raat aur main

KHak uDati KHwabida saDken 'rahat'

galiyan be-raunaq chaubare raat aur mein