ja ke ye kah de koi shoalon se chingari se
jā ke ye kah de koī sho.aloñ se chiñgārī se
phuul is baar khile haiñ baḌī tayyārī se
apnī har saañs ko nīlām kiyā hai maiñ ne
log āsān hue haiñ baḌī dushvārī se
zehn meñ jab bhī tire ḳhat kī ibārat chamkī
ek ḳhushbū sī nikalne lagī almārī se
shāhazāde se mulāqāt to nā-mumkin hai
chaliye mil aate haiñ chal kar kisī darbārī se
bādshāhoñ se bhī pheñke hue sikke na liye
ham ne ḳhairāt bhī māñgī hai to ḳhuddārī se
ja ke ye kah de koi shoalon se chingari se
phul is bar khile hain baDi tayyari se
apni har sans ko nilam kiya hai main ne
log aasan hue hain baDi dushwari se
zehn mein jab bhi tere KHat ki ibarat chamki
ek KHushbu si nikalne lagi almari se
shahazade se mulaqat to na-mumkin hai
chaliye mil aate hain chal kar kisi darbari se
baadshahon se bhi phenke hue sikke na liye
hum ne KHairaat bhi mangi hai to KHuddari se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
