jada-e-haq mein use sabit-qadam hone to do

jāda-e-haq meñ use sābit-qadam hone to do

aadmī ko aadmī hī kam se kam hone to do

imtiyāz-e-īn-o-āñ baaqī kahāñ rah jā.egā

ek markaz par zarā dair-o-haram hone to do

zindagī kyā hai samajh meñ ḳhud-baḳhud aa jā.egā

pahle apne dil ko misl-e-jām-e-jam hone to do

be-ḳhudī-e-shauq meñ bhī gosh-bar-āvāz huuñ

har nafas ko naġhma-e-sāz-e-alam hone to do

shauq se ai bijliyo aanā sajāne ke liye

tinke tinke shāḳh par pahle baham hone to do

ik na ik din DhūñDhtī aa.egī ḳhud manzil hameñ

pahle rāh-e-shauq meñ sābit-qadam hone to do

ḳhūn-e-dil se ho rahī hai dāstān-e-ġham raqam

paḌh hī leñge shauq kī nazroñ se ham hone to do

zindagī kī raah meñ tanhā safar achchhā nahīñ

saath apne ik hujūm-e-yās-o-ġham hone to do

dil se nākāmī kā ye ehsās bhī jaatā rahe

bekas-o-majbūr par itnā sitam hone to do

us jafā-jū ko kareñge ham vafā se āshnā

pahle puurā us kā armān-e-sitam hone to do

'faizī'-e-sho.ala-bayāñ kī bhī ġhazal ho jā.egī

haañ murattab dāstān-e-dard-o-ġham hone to do

jada-e-haq mein use sabit-qadam hone to do

aadmi ko aadmi hi kam se kam hone to do

imtiyaz-e-in-o-an baqi kahan rah jaega

ek markaz par zara dair-o-haram hone to do

zindagi kya hai samajh mein KHud-baKHud aa jaega

pahle apne dil ko misl-e-jam-e-jam hone to do

be-KHudi-e-shauq mein bhi gosh-bar-awaz hun

har nafas ko naghma-e-saz-e-alam hone to do

shauq se ai bijliyo aana sajaane ke liye

tinke tinke shaKH par pahle baham hone to do

ek na ek din DhunDhti aaegi KHud manzil hamein

pahle rah-e-shauq mein sabit-qadam hone to do

KHun-e-dil se ho rahi hai dastan-e-gham raqam

paDh hi lenge shauq ki nazron se hum hone to do

zindagi ki rah mein tanha safar achchha nahin

sath apne ek hujum-e-yas-o-gham hone to do

dil se nakaami ka ye ehsas bhi jata rahe

bekas-o-majbur par itna sitam hone to do

us jafa-ju ko karenge hum wafa se aashna

pahle pura us ka arman-e-sitam hone to do

'faizi'-e-shoala-bayan ki bhi ghazal ho jaegi

han murattab dastan-e-dard-o-gham hone to do