جاگ اٹھے بام و در چراغ جلے
جاگ اٹھے بام و در چراغ جلے
کون آیا ادھر چراغ جلے
دن کی پامال فکر کو ہے شرط
تیری جانب سفر چراغ جلے
زلف طوفاں سے یوں بھی چھیڑ سہی
وہ بجھائے ادھر چراغ جلے
دن میں وہ جسم ہے جنوں افروز
اک قیامت مگر چراغ جلے
واعظ و محتسب بھی جام بہ لب
ہم کو آئے نظر چراغ جلے
آخر شب دلوں پہ ہے بھاری
ہم نفس تا سحر چراغ جلے
سرگزشت وفا ہے طولانی
بس یہی مختصر چراغ جلے
آج مہماں ہے ایک شب افروز
آرزوؤں کا ہر چراغ جلے
زندگی شب چراغ ہے سیفیؔ
اب رقیبوں کے گھر چراغ جلے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
