jag uThe baam-o-dar charagh jale

jaag uThe bām-o-dar charāġh jale

kaun aaya idhar charāġh jale

din kī pāmāl fikr ko hai shart

terī jānib safar charāġh jale

zulf-e-tūfāñ se yuuñ bhī chheḌ sahī

vo bujhā.e idhar charāġh jale

din meñ vo jism hai junūñ-afroz

ik qayāmat magar charāġh jale

vā.iz-o-mohtasib bhī jām-ba-lab

ham ko aa.e nazar charāġh jale

āḳhir-e-shab diloñ pe hai bhārī

ham-nafas tā sahar charāġh jale

sarguzasht-e-vafā hai tūlānī

bas yahī muḳhtasar charāġh jale

aaj mehmāñ hai ek shab-afroz

ārzūoñ kā har charāġh jale

zindagī shab-charāġh hai 'saifī'

ab raqīboñ ke ghar charāġh jale

jag uThe baam-o-dar charagh jale

kaun aaya idhar charagh jale

din ki pamal fikr ko hai shart

teri jaanib safar charagh jale

zulf-e-tufan se yun bhi chheD sahi

wo bujhae idhar charagh jale

din mein wo jism hai junun-afroz

ek qayamat magar charagh jale

waiz-o-mohtasib bhi jam-ba-lab

hum ko aae nazar charagh jale

aaKHir-e-shab dilon pe hai bhaari

ham-nafas ta sahar charagh jale

sarguzasht-e-wafa hai tulani

bas yahi muKHtasar charagh jale

aaj mehman hai ek shab-afroz

aarzuon ka har charagh jale

zindagi shab-charagh hai 'saifi'

ab raqibon ke ghar charagh jale