jage zamir zehn khule tazgi mile

jaage zamīr zehn khule tāzgī mile

chhūTe gahan ki mujh ko mirī raushnī mile

kyuuñ zabt-o-ehtiyāt meñ guzre tamām umr

is muntashir dimāġh ko bas barhamī mile

har ajnabī se shahr meñ DhūñDo ḳhulūs-e-dil

har āshnā-e-shahr se begāngī mile

johlā-e-bad-zabān baneñ rahbarān-e-qaum

ulamā-e-ḳhush-kalām ko bas gum-rahī mile

ai jazba-e-supurdagī ḳhud ko zarā sambhāl

aisā na ho tujhe bhī vahī be-ruḳhī mile

jage zamir zehn khule tazgi mile

chhuTe gahan ki mujh ko meri raushni mile

kyun zabt-o-ehtiyat mein guzre tamam umr

is muntashir dimagh ko bas barhami mile

har ajnabi se shahr mein DhunDo KHulus-e-dil

har aashna-e-shahr se begangi mile

johla-e-bad-zaban banen rahbaran-e-qaum

ulama-e-KHush-kalam ko bas gum-rahi mile

ai jazba-e-supurdagi KHud ko zara sambhaal

aisa na ho tujhe bhi wahi be-ruKHi mile