jagna raaton mein yaadon ke bhanwar mein Dubna

jāgnā rātoñ meñ yādoñ ke bhañvar meñ Dūbnā

vo dil-e-muztar kā sail-e-chashm-e-tar meñ Dūbnā

pahle apne nafs kī mismār karnī hai fasīl

aur us ke baad hai kār-e-digar meñ Dūbnā

bhar liyā āñkhoñ meñ dariyāoñ ko dariyā ke liye

saḳht mushkil ho gayā paanī ke ghar meñ Dūbnā

aur hoñge vo jinheñ duniyā kā ho ḳhauf-o-hirās

ham ne sīkhā hī nahīñ duniyā ke Dar meñ Dūbnā

ābla-pā.ī kā mausam raas aa jaatā agar

kaam aa jaatā mirā gard-e-safar meñ Dūbnā

Duub ke ubhre haiñ ham duniyā ke har majdhār se

ab rahā baaqī faqat naqd-o-nazar meñ Dūbnā

dūsroñ kī aib-jūī jis qadar āsān hai

utnā hī dushvār hai ḳhud kī nazar meñ Dūbnā

jaane kis manzil pe le jaa.e tujhe jazb-e-junūñ

har qadam 'najmī' tirā naqd-o-nazar meñ Dūbnā

jagna raaton mein yaadon ke bhanwar mein Dubna

wo dil-e-muztar ka sail-e-chashm-e-tar mein Dubna

pahle apne nafs ki mismar karni hai fasil

aur us ke baad hai kar-e-digar mein Dubna

bhar liya aankhon mein dariyaon ko dariya ke liye

saKHt mushkil ho gaya pani ke ghar mein Dubna

aur honge wo jinhen duniya ka ho KHauf-o-hiras

hum ne sikha hi nahin duniya ke Dar mein Dubna

aabla-pai ka mausam ras aa jata agar

kaam aa jata mera gard-e-safar mein Dubna

Dub ke ubhre hain hum duniya ke har majdhaar se

ab raha baqi faqat naqd-o-nazar mein Dubna

dusron ki aib-jui jis qadar aasan hai

utna hi dushwar hai KHud ki nazar mein Dubna

jaane kis manzil pe le jae tujhe jazb-e-junun

har qadam 'najmi' tera naqd-o-nazar mein Dubna