jal mein jis ke shauq aai hai

jaal meñ jis ke shauq aa.ī hai

us ke dil kuuñ taḌaph kamāhī hai

jag ke ḳhūbāñ haiñ tujh pe sab maftūñ

tan meñ yūsuf bhī ek chāhī hai

daaġh siiñ kyuuñ na dil ujālā ho

chashm kī raushnī siyāhī hai

ab talak khīñch khīñch jaur-o-jafā

har tarah dostī nibāhī hai

taur kyā pūchhte ho kāfir kā

shoḳh hai bāñkha hai sipāhī hai

haath meñ kahrubā kī simran dekh

rañg āshiq kā aaj kaahī hai

haal āshiq kā kyā bayāñ kiije

ḳhvār hai ḳhasta hai tabāhī hai

'ābrū' kyuuñ na ho rahe ḳhāmosh

dard kahne kī yaañ manāhī hai

jal mein jis ke shauq aai hai

us ke dil kun taDaph kamahi hai

jag ke KHuban hain tujh pe sab maftun

tan mein yusuf bhi ek chahi hai

dagh sin kyun na dil ujala ho

chashm ki raushni siyahi hai

ab talak khinch khinch jaur-o-jafa

har tarah dosti nibahi hai

taur kya puchhte ho kafir ka

shoKH hai bankha hai sipahi hai

hath mein kahruba ki simran dekh

rang aashiq ka aaj kahi hai

haal aashiq ka kya bayan kije

KHwar hai KHasta hai tabahi hai

'abru' kyun na ho rahe KHamosh

dard kahne ki yan manahi hai