jal ragon ka gunj lahu ki sans ke tewar bhul gae

jaal ragoñ kā guuñj lahū kī saañs ke tevar bhuul ga.e

kitnī fanā.eñ kitnī baqā.eñ apne andar bhuul ga.e

janam janam tak qaid rahā ik be-ma.anī añgḌā.ī meñ

maiñ huuñ vo mehrāb jise mere hī patthar bhuul ga.e

jaane kyā kyā giit sunā.e gardish kī sargoshī ne

be-chehra sayyāre mujh meñ apnā mehvar bhuul ga.e

biitī huī sadiyoñ kā tamāshā aane vaale kal kā bhañvar

aate jaate lamhe mujh meñ apnā paikar bhuul ga.e

ab bhī chāroñ samt hamāre duniyā.eñ harakat meñ haiñ

ham bhī be-dhyānī meñ kyā kyā jism ke bāhar bhuul ga.e

duur kināroñ kī retoñ par khoj rahe haiñ aaj 'riyāz'

kis kī suunī āñkhoñ meñ ham apne samundar bhuul ga.e

jal ragon ka gunj lahu ki sans ke tewar bhul gae

kitni fanaen kitni baqaen apne andar bhul gae

janam janam tak qaid raha ek be-mani angDai mein

main hun wo mehrab jise mere hi patthar bhul gae

jaane kya kya git sunae gardish ki sargoshi ne

be-chehra sayyare mujh mein apna mehwar bhul gae

biti hui sadiyon ka tamasha aane wale kal ka bhanwar

aate jate lamhe mujh mein apna paikar bhul gae

ab bhi chaaron samt hamare duniyaen harakat mein hain

hum bhi be-dhyani mein kya kya jism ke bahar bhul gae

dur kinaron ki reton par khoj rahe hain aaj 'riyaz'

kis ki suni aankhon mein hum apne samundar bhul gae