jam de aur na kar waqt pe takrar ki bas

jaam de aur na kar vaqt pe takrār ki bas

sāqiyā abr uThā hai ye dhuāñ-dhār ki bas

kyā tamāshā hai jo kal raat vo laa.e tashrīf

be-ḳhudī ne ye liyā aan ke yakbār ki bas

kyuuñ na dil aise ko duuñ maiñ ne kal un se jo kahā

dard hotā hai mire dil meñ ye ai yaar ki bas

sunte hī ho ki ham āġhosh kahā hañs ke tujhe

dard-e-dil kī hai davā aur bhī darkār ki bas

rashk se kyuuñ na jale mehr-e-daraḳhshāñ 'mārūf'

hai mire yaar kī ye garmī-e-bāzār ki bas

jam de aur na kar waqt pe takrar ki bas

saqiya abr uTha hai ye dhuan-dhaar ki bas

kya tamasha hai jo kal raat wo lae tashrif

be-KHudi ne ye liya aan ke yakbar ki bas

kyun na dil aise ko dun main ne kal un se jo kaha

dard hota hai mere dil mein ye ai yar ki bas

sunte hi ho ki hum aaghosh kaha hans ke tujhe

dard-e-dil ki hai dawa aur bhi darkar ki bas

rashk se kyun na jale mehr-e-daraKHshan 'maruf'

hai mere yar ki ye garmi-e-bazar ki bas