jam-e-lab pine ki hasrat ab to mere dil mein hai

jām-e-lab piine kī hasrat ab to mere dil meñ hai

par mirā saaqī to yāroñ ġhair kī mahfil meñ hai

qatl kar de jo nazar se vo hunar sab meñ kahāñ

ye hunar to bas parī-vash dil-nashīñ qātil meñ hai

hai nazākat hai nazāfat har adā meñ us ke to

is liye hī ab talak zinda vo mere dil meñ hai

ishq kī dariyā meñ ġhote khā rahā huuñ maiñ to ab

vo lahar hai ab to manzil merī yaañ sāhil meñ hai

ho gayā huuñ maiñ pareshāñ dil kahīñ lagtā nahīñ

ishq karne kī ḳhatā se dil merā mushkil meñ hai

jo ḳhushī apnī luTā de ġhair ke hī vāste

is jahāñ meñ is tarah kī aarzū aadil meñ hai

kaun terā hai yahāñ pe ye zarā mālūm kar

rañg meñ chehre sane haiñ raaz mustaqbil meñ hai

thak gayā huuñ zindagī ke is safar meñ maiñ to ab

maut mil jaa.e safar meñ bas yahī manzil meñ hai

sun liye jo sher 'kātib' ke binā ik daad ke

ye gavāhī de rahā tū mahfil-e-jāhil meñ hai

jam-e-lab pine ki hasrat ab to mere dil mein hai

par mera saqi to yaron ghair ki mahfil mein hai

qatl kar de jo nazar se wo hunar sab mein kahan

ye hunar to bas pari-wash dil-nashin qatil mein hai

hai nazakat hai nazafat har ada mein us ke to

is liye hi ab talak zinda wo mere dil mein hai

ishq ki dariya mein ghote kha raha hun main to ab

wo lahar hai ab to manzil meri yan sahil mein hai

ho gaya hun main pareshan dil kahin lagta nahin

ishq karne ki KHata se dil mera mushkil mein hai

jo KHushi apni luTa de ghair ke hi waste

is jahan mein is tarah ki aarzu aadil mein hai

kaun tera hai yahan pe ye zara malum kar

rang mein chehre sane hain raaz mustaqbil mein hai

thak gaya hun zindagi ke is safar mein main to ab

maut mil jae safar mein bas yahi manzil mein hai

sun liye jo sher 'katib' ke bina ek dad ke

ye gawahi de raha tu mahfil-e-jahil mein hai