jam-e-mai-e-alast se sarshaar ho gae

jām-e-mai-e-alast se sarshār ho ga.e

ya.anī rahīn-e-ḳhāna-e-ḳhammār ho ga.e

mad.hosh ho ke hosh meñ aanā ġhazab huā

duniyā ke kārobār se bekār ho ga.e

yā-rab hamārī daad kī achchhī davā milī

ham ḳhvāhish-e-tabīb meñ bīmār ho ga.e

dil meñ havā-e-gesū-e-dildār kyā basī

baiThe-biThā.e muft giraftār ho ga.e

in lan-tarāniyoñ se tirī aaj saikḌoñ

muusā kī tarah tālib-e-dīdār ho ga.e

le kar azīz-e-misr vo bāzār-e-ishq meñ

kyā ḳhuub apne aap ḳharīdār ho ga.e

kāfir hue haiñ 'shād' ham us but ke vāste

shukr-e-ḳhudā ki sāhib-e-zunnār ho ga.e

jam-e-mai-e-alast se sarshaar ho gae

yani rahin-e-KHana-e-KHammar ho gae

madhosh ho ke hosh mein aana ghazab hua

duniya ke karobar se bekar ho gae

ya-rab hamari dad ki achchhi dawa mili

hum KHwahish-e-tabib mein bimar ho gae

dil mein hawa-e-gesu-e-dildar kya basi

baiThe-biThae muft giraftar ho gae

in lan-taraniyon se teri aaj saikDon

musa ki tarah talib-e-didar ho gae

le kar aziz-e-misr wo bazar-e-ishq mein

kya KHub apne aap KHaridar ho gae

kafir hue hain 'shad' hum us but ke waste

shukr-e-KHuda ki sahib-e-zunnar ho gae