jam Khaali jahan nazar aaya

jaam ḳhālī jahāñ nazar aayā

merī āñkhoñ meñ ḳhuuñ utar aayā

vo bahut kam kisī ne dekhā hai

mujh ko jo kuchh yahāñ nazar aayā

jhuk ga.e āsmān sajde meñ

kaun ye apne baam par aayā

kaañp uThā charḳh hil ga.ī duniyā

vo jahāñ apnī baat par aayā

us ne pūchhā mizāj kaisā hai

dil jo umDā huā thā bhar aayā

jab kabhī us ne kī nazar mujh par

ek chhālā nayā ubhar aayā

terī jānib se hoshiyār gayā

apnī jānib se be-ḳhabar aayā

jab kiyā qasd-e-zabt-e-āh 'azīz'

dil meñ chhālā sā ik ubhar aayā

jam KHali jahan nazar aaya

meri aankhon mein KHun utar aaya

wo bahut kam kisi ne dekha hai

mujh ko jo kuchh yahan nazar aaya

jhuk gae aasman sajde mein

kaun ye apne baam par aaya

kanp uTha charKH hil gai duniya

wo jahan apni baat par aaya

us ne puchha mizaj kaisa hai

dil jo umDa hua tha bhar aaya

jab kabhi us ne ki nazar mujh par

ek chhaala naya ubhar aaya

teri jaanib se hoshiyar gaya

apni jaanib se be-KHabar aaya

jab kiya qasd-e-zabt-e-ah 'aziz'

dil mein chhaala sa ek ubhar aaya