jam na rakh saqiya shab hai paDi aur bhi

jaam na rakh sāqiyā shab hai paḌī aur bhī

pahr jahāñ kaT ga.e chaar ghaḌī aur bhī

pahle hī sāġhar meñ the ham to paḌe loTte

itne meñ saaqī ne dī us se kaḌī aur bhī

palkeñ to chhede thiiñ dil maare thī barchhī-nigāh

abrū ne us par se ek teġh jaḌī aur bhī

kuchh tapish-e-dil thī kuchh sunte hī furqat kā naam

aag sī ek aag par aan paḌī aur bhī

merī shab-e-vasl kī sub.h chalī aatī hai

rok le is dam falak ek ghaḌī aur bhī

garche ubhar aa.e haiñ tan pe mire par miyāñ

itnī lagā.īñ jahāñ ek chhaḌī aur bhī

kyā kahūñ us shoḳh kī vaah meñ ḳhūbī 'nazīr'

sunte hī is baat ke ek jaḌī aur bhī

jam na rakh saqiya shab hai paDi aur bhi

pahr jahan kaT gae chaar ghaDi aur bhi

pahle hi saghar mein the hum to paDe loTte

itne mein saqi ne di us se kaDi aur bhi

palken to chhede thin dil mare thi barchhi-nigah

abru ne us par se ek tegh jaDi aur bhi

kuchh tapish-e-dil thi kuchh sunte hi furqat ka nam

aag si ek aag par aan paDi aur bhi

meri shab-e-wasl ki subh chali aati hai

rok le is dam falak ek ghaDi aur bhi

garche ubhar aae hain tan pe mere par miyan

itni lagain jahan ek chhaDi aur bhi

kya kahun us shoKH ki wah mein KHubi 'nazir'

sunte hi is baat ke ek jaDi aur bhi