jaan apni waqf-e-zahmat-e-hijran kiye hue

jaañ apnī vaqf-e-zahmat-e-hijrāñ kiye hue

āshiq har ik balā ko haiñ mehmāñ kiye hue

sab muntashir haiñ mere janāze ko dekh kar

tum saath ho jo hāl-e-pareshāñ kiye hue

ab to nafas kī āmad-o-shud bhī huī hai band

aisī jagah hai siine meñ paikāñ kiye hue

kis vāste ye mahviyat ā.īna dekh kar

kyoñ aap ik jahāñ ko haiñ hairāñ kiye hue

hañgām-e-ehtizār hai ai dam zarā Thahar

is vaqt huuñ tasavvur-e-jānāñ kiye hue

in mushkiloñ pe sab kī tan-āsāniyāñ fidā

jin ko tirī nigāh ho āsāñ kiye hue

majme.a kā ḳhauf roz-e-qayāmat hai 'nāsirī'

be-kār ho visāl kā armāñ kiye hue

jaan apni waqf-e-zahmat-e-hijran kiye hue

aashiq har ek bala ko hain mehman kiye hue

sab muntashir hain mere janaze ko dekh kar

tum sath ho jo haal-e-pareshan kiye hue

ab to nafas ki aamad-o-shud bhi hui hai band

aisi jagah hai sine mein paikan kiye hue

kis waste ye mahwiyat aaina dekh kar

kyon aap ek jahan ko hain hairan kiye hue

hangam-e-ehtizar hai ai dam zara Thahar

is waqt hun tasawwur-e-jaanan kiye hue

in mushkilon pe sab ki tan-asaniyan fida

jin ko teri nigah ho aasan kiye hue

majmea ka KHauf roz-e-qayamat hai 'nasiri'

be-kar ho visal ka arman kiye hue