jaan bhi ba-jaan hai hijr mein aur dil-figar bhi

jaañ bhī ba-jāñ hai hijr meñ aur dil-figār bhī

tar hai mizha bhī ashk se jeb bhī aur kanār bhī

turfa fusūñ-sarisht hai chashm-e-karishma-sanj-e-yār

letī hai ik nigāh meñ sabr bhī aur qarār bhī

kūche meñ us ke baiThnā husn ko us ke dekhnā

ham to isī ko samjhe haiñ baaġh bhī aur bahār bhī

dekhiye kyā ho be-tarah dil kī lage haiñ ghaat meñ

ġhamza-e-pur-fareb bhī ishva-e-sehr-kār bhī

zulf ko bhī hai dam-ba-dam azm-e-kamand-e-afganī

daam liye hai musta'id turra-e-tābdār bhī

baiThe butoñ kī bazm meñ jin kī hai qadr jab vo log

apne fareb-o-fan se vaañ thā ye ḳharāb-o-ḳhvār bhī

ginñe lage vo apne jab chāhne vāloñ ko 'nazīr'

uTh ke yakāyak us ghaḌī ham ne kahā haiñ yaar bhī

jaan bhi ba-jaan hai hijr mein aur dil-figar bhi

tar hai mizha bhi ashk se jeb bhi aur kanar bhi

turfa fusun-sarisht hai chashm-e-karishma-sanj-e-yar

leti hai ek nigah mein sabr bhi aur qarar bhi

kuche mein us ke baiThna husn ko us ke dekhna

hum to isi ko samjhe hain bagh bhi aur bahaar bhi

dekhiye kya ho be-tarah dil ki lage hain ghat mein

ghamza-e-pur-fareb bhi ishwa-e-sehr-kar bhi

zulf ko bhi hai dam-ba-dam azm-e-kamand-e-afgani

dam liye hai musta'id turra-e-tabdar bhi

baiThe buton ki bazm mein jin ki hai qadr jab wo log

apne fareb-o-fan se wan tha ye KHarab-o-KHwar bhi

ginne lage wo apne jab chahne walon ko 'nazir'

uTh ke yakayak us ghaDi hum ne kaha hain yar bhi