jaan bhi pur-soz ho anjam-e-tamanna kya hai

jaañ bhī pur-soz ho anjām-e-tamannā kyā hai

koī batlā.e ki jiine kā bahānā kyā hai

merī āñkhoñ meñ namī bhī ho to vallāh kyā hai

koī bhī jis ko na dekhe vo tamāshā kyā hai

vo na chāheñ to maza chaah meñ phir ḳhaak mile

ham agar chāheñ bhī bil-farz to hotā kyā hai

dil sulagtā hai sulagtā rahe jaltā hai jale

aisī bātoñ se bhalā ishq meñ bantā kyā hai

ham se mansūb haiñ ummīd-o-tamannā-o-ḳhayāl

koī dekhe to zarā aap kā naqshā kyā hai

aql samjhā.egī bahlā.egī phuslā.egī

dil kī chhalnī se magar dekhiye chhantā kyā hai

be-ḳhabar kitne the 'mas.ū' rumūz-e-ġham se

maiñ jo royā to kahā dard se rotā kyā hai

jaan bhi pur-soz ho anjam-e-tamanna kya hai

koi batlae ki jine ka bahana kya hai

meri aankhon mein nami bhi ho to wallah kya hai

koi bhi jis ko na dekhe wo tamasha kya hai

wo na chahen to maza chah mein phir KHak mile

hum agar chahen bhi bil-farz to hota kya hai

dil sulagta hai sulagta rahe jalta hai jale

aisi baaton se bhala ishq mein banta kya hai

hum se mansub hain ummid-o-tamanna-o-KHayal

koi dekhe to zara aap ka naqsha kya hai

aql samjhaegi bahlaegi phuslaegi

dil ki chhalni se magar dekhiye chhanta kya hai

be-KHabar kitne the 'masu' rumuz-e-gham se

main jo roya to kaha dard se rota kya hai