jaan de denge karishmon pe qaza se pahle

jaan de deñge karishmoñ pe qazā se pahle

mar hī jā.eñge tire nāz-o-adā se pahle

riste haiñ zaḳhm-e-jigar qabl-e-namak-afshānī

meñh barastā hai mire ghar meñ ghaTā se pahle

bosa ḳhud dete haiñ aur ḳhud hī bigaḌ jaate haiñ

lutf farmāte haiñ āshiq pe jafā se pahle

ḳhud-ba-ḳhud aate haiñ vo paas ye tāsīroñ kā

jā lagā tiir nishāna pe duā se pahle

qasd-e-bosa hī pe dil phāñste haiñ gesū meñ

phāñsī dete haiñ vo mujrim ko ḳhatā se pahle

vo sanam aur ke hisse meñ na aatā ai 'azīz'

maañg letā jo use ro ke ḳhudā se pahle

jaan de denge karishmon pe qaza se pahle

mar hi jaenge tere naz-o-ada se pahle

riste hain zaKHm-e-jigar qabl-e-namak-afshani

meinh barasta hai mere ghar mein ghaTa se pahle

bosa KHud dete hain aur KHud hi bigaD jate hain

lutf farmate hain aashiq pe jafa se pahle

KHud-ba-KHud aate hain wo pas ye tasiron ka

ja laga tir nishana pe dua se pahle

qasd-e-bosa hi pe dil phanste hain gesu mein

phansi dete hain wo mujrim ko KHata se pahle

wo sanam aur ke hisse mein na aata ai 'aziz'

mang leta jo use ro ke KHuda se pahle