jaan de sakta hai kya sath nibhane ke liye

jaan de saktā hai kyā saath nibhāne ke liye

hausla hai to baḌhā haath milāne ke liye

hañs rahā huuñ maiñ bahut mujh ko rulāne ke liye

aa havā mere charāġhoñ ko bujhāne ke liye

sham' gul kar ke havā dekh rahī hai mujh ko

āḳhirī tiilī hai māchis meñ jalāne ke liye

zaḳhm-e-dil is liye chehre pe sajā rakkhā hai

kuchh tamāsha to ho duniyā ko dikhāne ke liye

ik jhalak dekh leñ tujh ko to chale jā.eñge

kaun aaya hai yahāñ 'umr bitāne ke liye

maiñ ne dīvār pe kyā likh diyā ḳhud ko ik din

bārisheñ hone lagīñ mujh ko miTāne ke liye

film ke parde pe chhapnā koī āsān nahīñ

marnā paḌtā hai yahāñ naam kamāne ke liye

jaan de sakta hai kya sath nibhane ke liye

hausla hai to baDha hath milane ke liye

hans raha hun main bahut mujh ko rulane ke liye

aa hawa mere charaghon ko bujhane ke liye

sham' gul kar ke hawa dekh rahi hai mujh ko

aaKHiri tili hai machis mein jalane ke liye

zaKHm-e-dil is liye chehre pe saja rakkha hai

kuchh tamasha to ho duniya ko dikhane ke liye

ek jhalak dekh len tujh ko to chale jaenge

kaun aaya hai yahan 'umr bitane ke liye

main ne diwar pe kya likh diya KHud ko ek din

barishen hone lagin mujh ko miTane ke liye

film ke parde pe chhapna koi aasan nahin

marna paDta hai yahan nam kamane ke liye