jaan dete hain magar izhaar hum karte nahin

jaan dete haiñ magar iz.hār ham karte nahīñ

ya.anī tash.hīr-e-salīb-o-dār ham karte nahīñ

apne dushman ko bhī lalkāreñge aa kar sāmne

pusht se chūñki kisī par vaar ham karte nahīñ

ho rahā hai har taraf turfa tamāsha roz-o-shab

umr ko ab bar-sar-e-paikār ham karte nahīñ

jab tumhāre shahr kā har zarra zarra hai aziiz

kaun kahtā hai ki tum se pyaar ham karte nahīñ

hai zamāna kuchh zamāne kī ravish kuchh aur hai

ḳhud ko rusvā yuuñ sar-e-bāzār ham karte nahīñ

naam kī apne tamannā yā sile kī aarzū

log karte haiñ magar 'ansār' ham karte nahīñ

jaan dete hain magar izhaar hum karte nahin

yani tashhir-e-salib-o-dar hum karte nahin

apne dushman ko bhi lalkarenge aa kar samne

pusht se chunki kisi par war hum karte nahin

ho raha hai har taraf turfa tamasha roz-o-shab

umr ko ab bar-sar-e-paikar hum karte nahin

jab tumhaare shahr ka har zarra zarra hai aziz

kaun kahta hai ki tum se pyar hum karte nahin

hai zamana kuchh zamane ki rawish kuchh aur hai

KHud ko ruswa yun sar-e-bazar hum karte nahin

nam ki apne tamanna ya sile ki aarzu

log karte hain magar 'ansar' hum karte nahin