jaan di un pe mar-miTe siske

jaan dī un pe mar-miTe siske

haiñ hasīñ log āshnā kis ke

un ko sikhlā.ī ham ne ārā.ish

ruuh phūñkī hai shaḳhsh-e-be-his ke

naale pahuñche ġharīb ke tā-arsh

bach ga.e dañke mard-e-muflis ke

rakh ke ḳhanjar gale pe kahtā hai

maar Daalā agar zarā khiske

bazm meñ jā milī rafīqoñ ko

kāñTe bo.e haiñ baaġh meñ bis ke

kyā batā.eñ ki kis ke āshiq haiñ

vo nazar aa.e to kaheñ is ke

naala kar kar ke dil huā ḳhāmosh

rah gayā hai pa phoḌā ris ris ke

koī ka.abe gayā haram ko koī

bande dargāh apne ghar ghis ke

gesū-e-yār agar hai dām-e-balā

ḳhāl-e-mushkīñ bhī kāñTeñ haiñ bis ke

chhoḌā piirī meñ ruuh ne tan-e-zār

jaama utrā badan se ghis pis ke

dīda-e-surma-sā kī ulfat meñ

'muntahī' ḳhaak ho ga.e pis ke

jaan di un pe mar-miTe siske

hain hasin log aashna kis ke

un ko sikhlai hum ne aaraish

ruh phunki hai shaKHsh-e-be-his ke

nale pahunche gharib ke ta-arsh

bach gae danke mard-e-muflis ke

rakh ke KHanjar gale pe kahta hai

mar Dala agar zara khiske

bazm mein ja mili rafiqon ko

kanTe boe hain bagh mein bis ke

kya bataen ki kis ke aashiq hain

wo nazar aae to kahen is ke

nala kar kar ke dil hua KHamosh

rah gaya hai pa phoDa ris ris ke

koi kabe gaya haram ko koi

bande dargah apne ghar ghis ke

gesu-e-yar agar hai dam-e-bala

KHal-e-mushkin bhi kanTen hain bis ke

chhoDa piri mein ruh ne tan-e-zar

jama utra badan se ghis pis ke

dida-e-surma-sa ki ulfat mein

'muntahi' KHak ho gae pis ke