jaan-e-mahfil aaj-kal mujhko satati hai bahut

jān-e-mahfil āj-kal mujh ko satātī hai bahut

ek laḌkī ḳhvāb meñ aa kar jagātī hai bahut

ek til jo gaal par hai mo'jiza sā hai koī

ābshāroñ jaisī us kī zulf bhātī hai bahut

haiñ ḳhutūt-e-jism meñ taare jaḌe jaise ka.ī

vo hasīñ jān-e-jigar mujh ko lubhātī hai bahut

vo agar hañs de to maiñ likh duuñ qasīde chāñd tak

'ishq karne kā salīqa vo sikhātī hai bahut

darmiyāñ haiñ fāsle ye jānte haiñ ham magar

raat bhar phir bhī hameñ vo yaad aatī hai bahut

jaan-e-mahfil aaj-kal mujh ko satati hai bahut

ek laDki KHwab mein aa kar jagati hai bahut

ek til jo gal par hai mo'jiza sa hai koi

aabshaaron jaisi us ki zulf bhati hai bahut

hain KHutut-e-jism mein tare jaDe jaise kai

wo hasin jaan-e-jigar mujh ko lubhati hai bahut

wo agar hans de to main likh dun qaside chand tak

'ishq karne ka saliqa wo sikhati hai bahut

darmiyan hain fasle ye jaante hain hum magar

raat bhar phir bhi hamein wo yaad aati hai bahut