jaan-fishani ka wan hisab abas

jāñ-fishānī kā vaañ hisāb abas

jo kaho us kā hai javāb abas

māhtāb aur katāñ kā aalam hai

āriz-e-dost par naqāb abas

qufl-e-dar kī kalīd nā-paidā

ab tamannā-e-fat.h-e-bāb abas

zulf-e-pur-ḳham havā se kyuuñ na hile

aap khāte haiñ pech-o-tāb abas

ḳhat use bhejnā zarūr magar

dost se ḳhvāhish-e-javāb abas

mere ash.ār sab bayāzī haiñ

ham-nashīñ fikr-e-inteḳhāb abas

hai hamārī nazar meñ hurmat-e-mai

pechish-e-ahl-e-ehtisāb abas

yaañ nahīñ kufr-o-dīn ḳhauf-o-rajā

lutf be-fā.eda itaab abas

na savāb us meñ hai na is meñ asar

sabr ba-hūda iztirāb abas

va.ada us ne kiyā to kyā 'nāzim'

abas ai ḳhānumāñ-ḳharāb abas

jaan-fishani ka wan hisab abas

jo kaho us ka hai jawab abas

mahtab aur katan ka aalam hai

aariz-e-dost par naqab abas

qufl-e-dar ki kalid na-paida

ab tamanna-e-fath-e-bab abas

zulf-e-pur-KHam hawa se kyun na hile

aap khate hain pech-o-tab abas

KHat use bhejna zarur magar

dost se KHwahish-e-jawab abas

mere ashaar sab bayazi hain

ham-nashin fikr-e-inteKHab abas

hai hamari nazar mein hurmat-e-mai

pechish-e-ahl-e-ehtisab abas

yan nahin kufr-o-din KHauf-o-raja

lutf be-faeda itab abas

na sawab us mein hai na is mein asar

sabr ba-huda iztirab abas

wada us ne kiya to kya 'nazim'

abas ai KHanuman-KHarab abas