jaan KHud-shanas ho to dua mein asar bhi hai

jaañ ḳhud-shanās ho to duā meñ asar bhī hai

maiñ jal rahā huuñ tujh ko mirī kuchh ḳhabar bhī hai

shahr-e-gulāb meñ bhī koī DhūñDhtā rahā

vo dhuup jis meñ tere badan kā shajar bhī hai

vo aks huuñ ki mujh meñ tire ḳhāl-o-ḳhad nahīñ

tū merā aa.ina bhī hai ā.īna-gar bhī hai

sochoñ to zar-nigār se chehre bhī saath haiñ

dekhūñ to ye safar mirā tanhā safar bhī hai

maiñ bhī huuñ zaḳhm zaḳhm tire intizār meñ

ik shaam rahguzar mirā vīrān ghar bhī hai

kyā hai jo kam-nazar mujhe pahchānte nahīñ

chehra bhī hai mirā mire shānoñ pe sar bhī hai

ḳhushbū ke pairahan se ujāle ke jism tak

maiñ huuñ to phir salīqa-e-arz-e-hunar bhī hai

jaan KHud-shanas ho to dua mein asar bhi hai

main jal raha hun tujh ko meri kuchh KHabar bhi hai

shahr-e-gulab mein bhi koi DhunDhta raha

wo dhup jis mein tere badan ka shajar bhi hai

wo aks hun ki mujh mein tere KHal-o-KHad nahin

tu mera aaina bhi hai aaina-gar bhi hai

sochon to zar-nigar se chehre bhi sath hain

dekhun to ye safar mera tanha safar bhi hai

main bhi hun zaKHm zaKHm tere intizar mein

ek sham rahguzar mera viran ghar bhi hai

kya hai jo kam-nazar mujhe pahchante nahin

chehra bhi hai mera mere shanon pe sar bhi hai

KHushbu ke pairahan se ujale ke jism tak

main hun to phir saliqa-e-arz-e-hunar bhi hai