jaan kuchh der ki mehman hai bimar ke pas

jaañ kuchh der kī mehmān hai bīmār ke paas

ab to aa jā.iye girtī huī dīvār ke paas

dil to ham pahlī mulāqāt meñ de baiThe the

jaan baaqī thī so le aa.e haiñ sarkār ke paas

aaj phir ishq tamannā.ī hai qurbānī kā

kaun mansūr hai aa.e to zarā daar ke paas

nūr-e-rahmat tirī qismat meñ kahāñ ai zāhid

tujh ko ye nuur milegā to gunahgār ke paas

ik na.ī ruuh machal uTThī mirī rag rag meñ

aap kyā aa.e ki jaan aa ga.ī bīmār ke paas

go dar-e-yār se maiñ duur sahī ai 'nayyar'

dil magar rahtā hai har vaqt dar-e-yār ke paas

jaan kuchh der ki mehman hai bimar ke pas

ab to aa jaiye girti hui diwar ke pas

dil to hum pahli mulaqat mein de baiThe the

jaan baqi thi so le aae hain sarkar ke pas

aaj phir ishq tamannai hai qurbani ka

kaun mansur hai aae to zara dar ke pas

nur-e-rahmat teri qismat mein kahan ai zahid

tujh ko ye nur milega to gunahgar ke pas

ek nai ruh machal uTThi meri rag rag mein

aap kya aae ki jaan aa gai bimar ke pas

go dar-e-yar se main dur sahi ai 'nayyar'

dil magar rahta hai har waqt dar-e-yar ke pas