jaan nazr-e-shabab ho ke rahi

jaan nazr-e-shabāb ho ke rahī

zindagī kāmyāb ho ke rahī

merī jānib jo uTh ga.ī thī kabhī

vo nazar lā-javāb ho ke rahī

ishq meñ rāh-e-rāst bhī aksar

rāh-e-pur-pech-o-tāb ho ke rahī

ba.ad tauba ke aur bhī saaqī

merī hālat ḳharāb ho ke rahī

un kī mahfil meñ be-kasī merī

bā.is-e-inqalāb ho ke rahī

fasl-e-gul meñ maze uḌā.eñge

ye tamannā bhī ḳhvāb ho ke rahī

dahr meñ ai 'azīz' apnī vafā

aap apnā javāb ho ke rahī

jaan nazr-e-shabab ho ke rahi

zindagi kaamyab ho ke rahi

meri jaanib jo uTh gai thi kabhi

wo nazar la-jawab ho ke rahi

ishq mein rah-e-rast bhi aksar

rah-e-pur-pech-o-tab ho ke rahi

baad tauba ke aur bhi saqi

meri haalat KHarab ho ke rahi

un ki mahfil mein be-kasi meri

bais-e-inqalab ho ke rahi

fasl-e-gul mein maze uDaenge

ye tamanna bhi KHwab ho ke rahi

dahr mein ai 'aziz' apni wafa

aap apna jawab ho ke rahi