aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

جان نکلے گی مری جان بڑی مشکل سے

ریاضؔ خیرآبادی

جان نکلے گی مری جان بڑی مشکل سے

ریاضؔ خیرآبادی

MORE BYریاضؔ خیرآبادی

    جان نکلے گی مری جان بڑی مشکل سے

    ہوگی مشکل مری آسان بڑی مشکل سے

    وہ مرے گھر رہے مہمان بڑی مشکل سے

    رات نکلے مرے ارمان بڑی مشکل سے

    آنکھیں تلووں سے ملیں لے کے قدم آنکھوں پر

    راہ پر آئے نگہبان بڑی مشکل سے

    تھا بہت ان کو گلوری کا اٹھانا مشکل

    دست نازک سے دیا پان بڑی مشکل سے

    بڑھ کے درباں نے لیا آج بھی دامن میرا

    کل چھڑایا تھا گریبان بڑی مشکل سے

    صحبت بد سے بچانے کا بتایا سب حال

    آج مانے مرے احسان بڑی مشکل سے

    ظلم کو لطف سے تعبیر کریں گے دم حشر

    جور سے ہوں گے پشیمان بڑی مشکل سے

    کوئی کافر ہو جو کل جائے سوئے دیر بتاں

    کہ بچا آج ہی ایمان بڑی مشکل سے

    نہ رہے میں نے کلیجے میں جو رکھنا چاہا

    دل میں ٹھہرے ترے پیکان بڑی مشکل سے

    دور ابھی منزل مقصود ہے کالے کوسوں

    کچھ ہوئے قطع بیابان بڑی مشکل سے

    مان لیتے ہیں وہ مشکل سے بھی مشکل کوئی بات

    کبھی آساں سے بھی آسان بڑی مشکل سے

    مے بہت رک کے مرے حلق سے اترے دم نزع

    ابھی مشکل ہوئی آسان بڑی مشکل سے

    بے شب وصل یہ انداز نکلتے ہی نہیں

    زلف ہوتی ہے پریشان بڑی مشکل سے

    دھار تلوار کی تھی جادۂ باریک نہ تھا

    ہے ہوا حشر کا میدان بڑی مشکل سے

    رہتے ہیں ایسے ہی انسان فرشتے بن کر

    آدمی بنتے ہیں انسان بڑی مشکل سے

    دل بسمل میں کچھ اس طرح ہوئے تھے پیوست

    ٹوٹ کر نکلے ہیں پیکان بڑی مشکل سے

    یہی انداز یہی وضع جو رکھوگے ریاضؔ

    لوگ سمجھیں گے مسلمان بڑی مشکل سے

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے