jaan-sapari ke bhi arman zindagi ki aas bhi

jāñ-sapārī ke bhī armāñ zindagī kī aas bhī

hifz-e-nāmūs-e-alam bhī nīsh-e-ġham kā paas bhī

ḳhaak dar-bar hī sahī maiñ ḳhaak bhī vo ḳhaak hai

jis meñ mere zaḳhm-e-dil kī bū bhī hai aur baas bhī

kitne daur-e-charḳh un āñkhoñ ne dekhe kuchh na pūchh

miT chukā hai vaqt kī raftār kā ehsās bhī

haa.e vo ik nashtar-āgīñ neshtar-afroz yaad

jis ke aage hech apnī burrish-e-infās bhī

ham na the kuchh ḳhud hī us saude pe raazī varna yuuñ

raas aane ko ye duniyā aa hī jaatī raas bhī

ḳhud ko ai dil yās-e-kāmil ke havāle yuuñ na kar

jhāñktī hai zehn ke ġhurfe se koī aas bhī

kaun us vaadī se uchhlā tā-sar-e-arsh-e-barīñ

gum haiñ jis vaadī meñ 'aḳhtar' ḳhizr bhī ilyās bhī

jaan-sapari ke bhi arman zindagi ki aas bhi

hifz-e-namus-e-alam bhi nish-e-gham ka pas bhi

KHak dar-bar hi sahi main KHak bhi wo KHak hai

jis mein mere zaKHm-e-dil ki bu bhi hai aur bas bhi

kitne daur-e-charKH un aankhon ne dekhe kuchh na puchh

miT chuka hai waqt ki raftar ka ehsas bhi

hae wo ek nashtar-agin neshtar-afroz yaad

jis ke aage hech apni burrish-e-infas bhi

hum na the kuchh KHud hi us saude pe raazi warna yun

ras aane ko ye duniya aa hi jati ras bhi

KHud ko ai dil yas-e-kaamil ke hawale yun na kar

jhankti hai zehn ke ghurfe se koi aas bhi

kaun us wadi se uchhla ta-sar-e-arsh-e-barin

gum hain jis wadi mein 'aKHtar' KHizr bhi ilyas bhi