jaane chali hai kaisi hawa sare shahr mein
jaane chalī hai kaisī havā saare shahr meñ
socheñ huiiñ saroñ se judā saare shahr meñ
merī har ek arz hai nā-mo'tabar yahāñ
us kā har ek hukm ravā saare shahr meñ
sargoshiyāñ haiñ aur jhuke sar haiñ ḳhauf hai
sahmī huī hai ḳhalq-e-ḳhudā saare shahr meñ
badlī mirī nigāh ki chehre badal ga.e
koī bhī mo'atabar na rahā saare shahr meñ
pindār qaisarī pe jo zarb ik lagī to phir
kandhoñ pe koī sar na rahā saare shahr meñ
ḳhāmosh ho ga.e haiñ mire saare ham-navā
zinda hai ek merī sadā saare shahr meñ
jaane chali hai kaisi hawa sare shahr mein
sochen huin saron se juda sare shahr mein
meri har ek arz hai na-mo'tabar yahan
us ka har ek hukm rawa sare shahr mein
sargoshiyan hain aur jhuke sar hain KHauf hai
sahmi hui hai KHalq-e-KHuda sare shahr mein
badli meri nigah ki chehre badal gae
koi bhi mo'atabar na raha sare shahr mein
pindar qaisari pe jo zarb ek lagi to phir
kandhon pe koi sar na raha sare shahr mein
KHamosh ho gae hain mere sare ham-nawa
zinda hai ek meri sada sare shahr mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
