jaane kab kaun bichhaD jae KHabar ho ki na ho

jaane kab kaun bichhaḌ jaa.e ḳhabar ho ki na ho

aage ik moḌ hai kāñdhoñ pe ye sar ho ki na ho

bazm-e-ḳhūbāñ meñ zarā der Thahar jā ai dil

aaj ke ba.ad udhar merā guzar ho ki na ho

dard-e-dil aaj kī shab had se guzar jaatā hai

phir koī chāra-gar-e-zaḳhm-e-jigar ho ki na ho

vaqt-e-ruḳhsat na yuuñ ashkoñ meñ guzāro hamdam

aao kuchh baat kareñ phir ye sahar ho ki na ho

āḳhirī baar unheñ bhar ke nazar dekh to leñ

zauq-e-nazzāra rahe phir ye nazar ho ki na ho

kah leñ kuchh hāl-e-dil-e-zār ġhanīmat hai 'shakeb'

phir ye ahbāb kī mahfil ye nazar ho ki na ho

jaane kab kaun bichhaD jae KHabar ho ki na ho

aage ek moD hai kandhon pe ye sar ho ki na ho

bazm-e-KHuban mein zara der Thahar ja ai dil

aaj ke baad udhar mera guzar ho ki na ho

dard-e-dil aaj ki shab had se guzar jata hai

phir koi chaara-gar-e-zaKHm-e-jigar ho ki na ho

waqt-e-ruKHsat na yun ashkon mein guzaro hamdam

aao kuchh baat karen phir ye sahar ho ki na ho

aaKHiri bar unhen bhar ke nazar dekh to len

zauq-e-nazzara rahe phir ye nazar ho ki na ho

kah len kuchh haal-e-dil-e-zar ghanimat hai 'shakeb'

phir ye ahbab ki mahfil ye nazar ho ki na ho