jaane kahan kahan se milate hain tar log

jaane kahāñ kahāñ se milāte haiñ taar log

mujh ko bahut ḳharāb batāte haiñ yaar log

kyoñ dūsroñ pe tiir chalāte haiñ tanz ke

pūchhūñgā gar mile kahīñ mujh ko vo chaar log

cigarette charas afiim se le kar sharāb tak

sab pī rahe haiñ 'ishq meñ kuchh be-qarār log

kyā phir hamārī gardanoñ ko kaaTā jā.egā

chhuriyoñ pe rakh rahe haiñ bahut tez dhaar log

phir un ko dekhne ko nigāheñ taras ga.iiñ

paise jo ham se le ke ga.e the udhār log

jaane kahan kahan se milate hain tar log

mujh ko bahut KHarab batate hain yar log

kyon dusron pe tir chalate hain tanz ke

puchhunga gar mile kahin mujh ko wo chaar log

cigarette charas afim se le kar sharab tak

sab pi rahe hain 'ishq mein kuchh be-qarar log

kya phir hamari gardanon ko kaTa jaega

chhuriyon pe rakh rahe hain bahut tez dhaar log

phir un ko dekhne ko nigahen taras gain

paise jo hum se le ke gae the udhaar log