jaane kis KHak se bana hai wo

jaane kis ḳhaak se banā hai vo

jhuuT par jhuuT boltā hai vo

aadī mujrim haiñ ham mohabbat ke

ham se pūchho kahāñ bikā hai vo

laḌ ke massage karegā suurī kā

aise pahle bhī kar chukā hai vo

kyā hameñ bhī muaaf kar degā

rakh-rakhāv to jāntā hai vo

us kamīne kī baat karte ho

ḳhair ham ko to māntā hai vo

kuuza ḳhud bol kar batā.egā

chāhatoñ se banā huā hai vo

har kisī se nahīñ lagātā dil

yaar itnā to pārsā hai vo

maiñ ne siine lagā ke chūmā nahīñ

'kāmil' is baat par ḳhafā hai vo

jaane kis KHak se bana hai wo

jhuT par jhuT bolta hai wo

aadi mujrim hain hum mohabbat ke

hum se puchho kahan bika hai wo

laD ke massage karega suri ka

aise pahle bhi kar chuka hai wo

kya hamein bhi muaf kar dega

rakh-rakhaw to jaanta hai wo

us kamine ki baat karte ho

KHair hum ko to manta hai wo

kuza KHud bol kar bataega

chahaton se bana hua hai wo

har kisi se nahin lagata dil

yar itna to parsa hai wo

main ne sine laga ke chuma nahin

'kaamil' is baat par KHafa hai wo