jaane kis moD par maine dekha nahin

jaane kis moḌ par maiñ ne dekhā nahīñ

muḌ gayā ham-safar maiñ ne dekhā nahīñ

tum ko ma.alūm ho to batānā mujhe

rah ga.ī maiñ kidhar maiñ ne dekhā nahīñ

vaqt kī sīḌhiyāñ chaḌhte dekhā use

vo gayā phir kidhar maiñ ne dekhā nahīñ

le ke aayā thā mere liye raushnī

jab gayā chhoḌ kar maiñ ne dekhā nahīñ

mil hī jaatī kabhī koī manzil mujhe

ik qadam lauT kar maiñ ne dekhā nahīñ

tum ga.e saath us ke jidhar bhī kahīñ

tum samajhnā udhar maiñ ne dekhā nahīñ

pyaar hai kis qadar us ko mujh se 'shabī'

chūḌiyāñ toḌ kar maiñ ne dekhā nahīñ

jaane kis moD par main ne dekha nahin

muD gaya ham-safar main ne dekha nahin

tum ko malum ho to batana mujhe

rah gai main kidhar main ne dekha nahin

waqt ki siDhiyan chaDhte dekha use

wo gaya phir kidhar main ne dekha nahin

le ke aaya tha mere liye raushni

jab gaya chhoD kar main ne dekha nahin

mil hi jati kabhi koi manzil mujhe

ek qadam lauT kar main ne dekha nahin

tum gae sath us ke jidhar bhi kahin

tum samajhna udhar main ne dekha nahin

pyar hai kis qadar us ko mujh se 'shabi'

chuDiyan toD kar main ne dekha nahin