جانے کیوں مجھ سے بد قیاس رہا
جانے کیوں مجھ سے بد قیاس رہا
جو بھی یاں میرے آس پاس رہا
مجھ کو کوئی یہاں سمجھ نہ سکا
میں زمانے میں بے لباس رہا
پھول اک تازہ آج اے ساقی
تیری محفل میں بے حواس رہا
ایک عرصہ ہوا کھلے نہ یہ لب
ان کی عصمت کا مجھ کو پاس رہا
کوئی محفل نہ راس آئی مجھے
بزم ساقی میں بھی اداس رہا
رات سنتے رہے جو قصۂ قیس
سارے میخانے میں ہراس رہا
میرے ہوتے ہوئے یہاں عاکفؔ
یہ جہاں مجھ سے ناشناس رہا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
