jaante hi nahin KHushi kya hai

jānte hī nahīñ ḳhushī kyā hai

ġham ke māroñ kī zindagī kyā hai

faisla kar diyā zamāne ne

dostī kyā hai dushmanī kyā hai

mā-sivā ik hasīn ġhaflat ke

baaġh meñ phuul kī hañsī kyā hai

ek ke ġham ko dūsrā samjhe

aur manshā-e-dostī kyā hai

jānte haiñ tumhāre dīvāne

azmat-e-chāk-dāmanī kyā hai

zulf-o-ruḳhsār sāġhar-o-mīnā

jaane ye sher-o-shā.erī kyā hai

inkisār-o-ḳhulūs-o-hamdardī

aur me.arāj-e-zindagī kyā hai

chaudhvīñ shab ke chāñd meñ 'anvar'

aks un kā hai chāñdnī kyā hai

jaante hi nahin KHushi kya hai

gham ke maron ki zindagi kya hai

faisla kar diya zamane ne

dosti kya hai dushmani kya hai

ma-siwa ek hasin ghaflat ke

bagh mein phul ki hansi kya hai

ek ke gham ko dusra samjhe

aur mansha-e-dosti kya hai

jaante hain tumhaare diwane

azmat-e-chaak-damani kya hai

zulf-o-ruKHsar saghar-o-mina

jaane ye sher-o-shaeri kya hai

inkisar-o-KHulus-o-hamdardi

aur mearaj-e-zindagi kya hai

chaudhwin shab ke chand mein 'anwar'

aks un ka hai chandni kya hai