jaante ho nahin chalna to yun chalte kyun ho

jānte ho nahīñ chalnā to yuuñ chalte kyuuñ ho

aaj bhī ġhāfil-e-manzil ho nikalte kyuuñ ho

vo dilāse hī chhalāve hī faqat dete haiñ

un kī har baat se har baar bahakte kyuuñ ho

jab sambhālā hai javānī meñ yuuñ ḳhud ko tanhā

aap aa kar ke buḌhāpe meñ phisalte kyuuñ ho

koī fankār agar shohrat-o-izzat paa.e

martaba milne pe is naam se jalte kyuuñ haiñ

tum sitāroñ meñ kabhī tāroñ meñ kho.e rahte

vahshateñ dil meñ liye ghar se nikalte kyuuñ ho

kaam jo hone haiñ ho kar hī raheñge sāhab

ho ke hairān pareshān nikalte kyuuñ ho

'ishq aafat hai balā hai ye qayāmat bhī hai

'ishq kī aag ke dariyā meñ utarte kyuuñ ho

jaante ho nahin chalna to yun chalte kyun ho

aaj bhi ghafil-e-manzil ho nikalte kyun ho

wo dilase hi chhalawe hi faqat dete hain

un ki har baat se har bar bahakte kyun ho

jab sambhaala hai jawani mein yun KHud ko tanha

aap aa kar ke buDhape mein phisalte kyun ho

koi fankar agar shohrat-o-izzat pae

martaba milne pe is nam se jalte kyun hain

tum sitaron mein kabhi taron mein khoe rahte

wahshaten dil mein liye ghar se nikalte kyun ho

kaam jo hone hain ho kar hi rahenge sahab

ho ke hairan pareshan nikalte kyun ho

'ishq aafat hai bala hai ye qayamat bhi hai

'ishq ki aag ke dariya mein utarte kyun ho