jata hai kaun aap se jallad ki taraf

jaatā hai kaun aap se jallād kī taraf

khīñchā is āb-o-dāna ne sayyād kī taraf

nā-ḳhush hai āshiqoñ se bahut āj-kal vo shoḳh

badle karam ke tab.a hai bedād kī taraf

mashshāta jazb-e-dil sā koī dūsrā nahīñ

shīrīñ ko khīñch le gayā farhād kī taraf

ishq-e-butāñ hai ḳhvāb-e-farāmosh ai ḳhudā

aayā hai phir ḳhayāl tirī yaad kī taraf

detī nahīñ nazākat use hukm qatl kā

jaatā huuñ dauḌ dauḌ ke jallād kī taraf

aatā hai qadd-e-yār chaman meñ mujhe jo yaad

hairat se takne lagtā huuñ shamshād kī taraf

ye kyā sabab hai kāfir-o-dīñ-dār sab hue

yārab usī but-e-sitam-ījād kī taraf

'ājiz' chhuḌā.e baḳht agar qaid-e-zīst se

aa.uuñ kabhī na ālam-e-ījād kī taraf

jata hai kaun aap se jallad ki taraf

khincha is aab-o-dana ne sayyaad ki taraf

na-KHush hai aashiqon se bahut aaj-kal wo shoKH

badle karam ke taba hai bedad ki taraf

mashshata jazb-e-dil sa koi dusra nahin

shirin ko khinch le gaya farhad ki taraf

ishq-e-butan hai KHwab-e-faramosh ai KHuda

aaya hai phir KHayal teri yaad ki taraf

deti nahin nazakat use hukm qatl ka

jata hun dauD dauD ke jallad ki taraf

aata hai qadd-e-yar chaman mein mujhe jo yaad

hairat se takne lagta hun shamshad ki taraf

ye kya sabab hai kafir-o-din-dar sab hue

yarab usi but-e-sitam-ijad ki taraf

'ajiz' chhuDae baKHt agar qaid-e-zist se

aaun kabhi na aalam-e-ijad ki taraf