jate hain wahan se gar kahin hum

jaate haiñ vahāñ se gar kahīñ ham

hir-phir ke phir aate haiñ vahīñ ham

sad-haif ki kunj-e-be-kasī meñ

koī nahīñ aur haiñ hamīñ ham

ḳhāmoshī kī mohr hai dahan par

haiñ halqa-e-ġham meñ juuñ nagīñ ham

aayā na vo shoḳh aur ga.e aah

hasrat hī bhare tah-e-zamīñ ham

takte rahe jānib-e-dar ai vaa.e

mar mar ke ba-vaqt-e-vapsīñ ham

kyā kyā khīñche haiñ aap ko duur

Tuk baiThe jo yaar ke qarīñ ham

dekh ā.īna ham se pūchhe the yuuñ

sach kahiyo ki kaise haiñ hasīñ ham

qismat meñ to hijr hai 'ġhazanfar'

ab vo hai to aap meñ nahīñ ham

jate hain wahan se gar kahin hum

hir-phir ke phir aate hain wahin hum

sad-haif ki kunj-e-be-kasi mein

koi nahin aur hain hamin hum

KHamoshi ki mohr hai dahan par

hain halqa-e-gham mein jun nagin hum

aaya na wo shoKH aur gae aah

hasrat hi bhare tah-e-zamin hum

takte rahe jaanib-e-dar ai wae

mar mar ke ba-waqt-e-wapsin hum

kya kya khinche hain aap ko dur

Tuk baiThe jo yar ke qarin hum

dekh aaina hum se puchhe the yun

sach kahiyo ki kaise hain hasin hum

qismat mein to hijr hai 'ghazanfar'

ab wo hai to aap mein nahin hum