jate hue nigah idhar kar ke dekh lo
jaate hue nigāh idhar kar ke dekh lo
ham log phir kahāñ hameñ jī-bhar ke dekh lo
detā hai ab yahī dil-e-shorīda mashvara
jiine se tañg ho to miyāñ mar ke dekh lo
rahne kā dasht meñ bhī salīqa nahīñ gayā
yaañ bhī qarīne saare mire ghar ke dekh lo
shāhān-e-kaj-kulāh zamīñ-bos ho ga.e
tevar magar vahī haiñ mire sar ke dekh lo
sajde meñ do-jahān haiñ ai 'dil' hamāre saath
rutbe ye āstān qalandar ke dekh lo
jate hue nigah idhar kar ke dekh lo
hum log phir kahan hamein ji-bhar ke dekh lo
deta hai ab yahi dil-e-shorida mashwara
jine se tang ho to miyan mar ke dekh lo
rahne ka dasht mein bhi saliqa nahin gaya
yan bhi qarine sare mere ghar ke dekh lo
shahan-e-kaj-kulah zamin-bos ho gae
tewar magar wahi hain mere sar ke dekh lo
sajde mein do-jahan hain ai 'dil' hamare sath
rutbe ye aastan qalandar ke dekh lo
- Book : Aaina-e-Dil (Pg. 36)
- Author : Dil Ayubi
- Publication : Nazish Book Center Lahore (1995)
- Edition : 1995
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
