jate jate dekhna patthar mein jaan rakh jaunga

jaate jaate dekhnā patthar meñ jaañ rakh jā.ūñgā

kuchh nahīñ to ek do chingāriyāñ rakh jā.ūñgā

niiñd meñ bhī ḳhvāb rakhne kī jagah baaqī nahīñ

sochtā huuñ ye ḳhazāna ab kahāñ rakh jā.ūñgā

sab namāzeñ bāñdh kar le jā.ūñgā maiñ apne saath

aur masjid ke liye gūñgī azaañ rakh jā.ūñgā

jāntā huuñ ye tamāsha ḳhatm hone kā nahīñ

hall meñ ik roz ḳhālī kursiyāñ rakh jā.ūñgā

chāñd sūraj aur taare phūñk Dālūñgā sabhī

is zamīñ par ek nañgā āsmāñ rakh jā.ūñgā

chhoḌ dūñgā ab maiñ 'alvī' āḳhirī din kī talāsh

aur adab ke shahr meñ ḳhālī makāñ rakh jā.ūñgā

jate jate dekhna patthar mein jaan rakh jaunga

kuchh nahin to ek do chingariyan rakh jaunga

nind mein bhi KHwab rakhne ki jagah baqi nahin

sochta hun ye KHazana ab kahan rakh jaunga

sab namazen bandh kar le jaunga main apne sath

aur masjid ke liye gungi azan rakh jaunga

jaanta hun ye tamasha KHatm hone ka nahin

hall mein ek roz KHali kursiyan rakh jaunga

chand suraj aur tare phunk Dalunga sabhi

is zamin par ek nanga aasman rakh jaunga

chhoD dunga ab main 'alwi' aaKHiri din ki talash

aur adab ke shahr mein KHali makan rakh jaunga