jate kahan junun ke tufan mein aa gae

jaate kahāñ junūn ke tūfāñ meñ aa ga.e

āḳhir ko chārāgar mire zindāñ meñ aa ga.e

vo shor-o-ġhul vo shahr kā tūfān-e-zindagī

achchhe rahe vahī jo bayābāñ meñ aa ga.e

vo un kī sair-e-bāġh vo zauq-e-bahār-e-nāz

phuul aap TuuT TuuT ke dāmāñ meñ aa ga.e

us gul kī aarzū meñ ḳhalish is qadar hai kyuuñ

kāñTe kahāñ se hasrat-o-armāñ meñ aa ga.e

jo ghar bachche-bachā.e the tūfān-e-āh se

vo intizām-e-dīda-e-giriyāñ meñ aa ga.e

shāyāñ tumhārī shaan ke ye zindagī nahīñ

tum kyuuñ hamāre ḳhvāb-e-pareshāñ meñ aa ga.e

hai ahl-e-bazm ye bhī ik andāz-e-nāz-e-husn

aañsū kahāñ se sham-e-farozāñ meñ aa ga.e

'shākir' nahīñ hai rabt jinheñ sabr o shukr se

haivāñ hai vo jo sūrat-e-insāñ meñ aa ga.e

jate kahan junun ke tufan mein aa gae

aaKHir ko chaaragar mere zindan mein aa gae

wo shor-o-ghul wo shahr ka tufan-e-zindagi

achchhe rahe wahi jo bayaban mein aa gae

wo un ki sair-e-bagh wo zauq-e-bahaar-e-naz

phul aap TuT TuT ke daman mein aa gae

us gul ki aarzu mein KHalish is qadar hai kyun

kanTe kahan se hasrat-o-arman mein aa gae

jo ghar bachche-bachae the tufan-e-ah se

wo intizam-e-dida-e-giriyan mein aa gae

shayan tumhaari shan ke ye zindagi nahin

tum kyun hamare KHwab-e-pareshan mein aa gae

hai ahl-e-bazm ye bhi ek andaz-e-naz-e-husn

aansu kahan se sham-e-farozan mein aa gae

'shakir' nahin hai rabt jinhen sabr o shukr se

haiwan hai wo jo surat-e-insan mein aa gae